mama li snoweli a!

snoweli: soweli suli pi ko lete (soweli Panthera Uncia)

toki! mi soweli suli So Aluka pi ko lete, taso nimi Alu en nimi Ewi li pona kin tawa mi! mi meli suli, taso lawa li utala e mi tan ni. tenpo ni la mi lon ma Sinkapo! mi alasa e sona nasin e sona nanpa lon tenpo ni, taso mi alasa e sona pi ilo nanpa lon tenpo pini.

mute li musi tawa mi. mi toki wawa e ona lon tenpo mute! sina toki tawa mi la o sona e ni: nasin toki kulupu li nasa mute tawa mi. nasa ni la sina ken pilin ike tan toki mi. sina pilin ike la o toki e ike! mi wile a kama sona e nasin ni.

soweli ni li olin wan e waso ante! o toki olin ala tawa mi (toki olin ni li seme? / sina ken seme tawa mi?)!

mi ken toki e toki Inli e toki Sonko e toki Netelan e toki Kanse e toki pona. mi ken sona e toki Elina pi tenpo pini kin. mi toki ala lon tenpo suli la mi ken toki ike e toki Nijon e toki Takalo. tenpo ni la mi kama sona e toki Netelan!

nanpa Orcid: 0009-0004-9227-796X | lipu PhilPeople: lipu mi
(nimi ike mi li lon lipu ni. o nimi ni ala e mi!)